- 1/1
Slåtten på gamlemåten
Artsrike slåttengar er ei av våre mest trua naturtypar. Her finst det mange ville blomar som pollinerande insekt er heilt avhengig av. Svært mange fuglar er og tilknytta gamle slåttenger. No kan du vera med å skjøtte ei slik eng på Lyngheisenteret på Lygra.
Graset slår vi med ljå, bankeljå og stuttorv, vi raker og hesjer - akkurat slik dei gjorde det før i tida, og alt kan du få vere med på!
Vi har fått med oss slåtteeksperten Tove Mostrøm frå Havråtunet gård til å hjelpe oss med slåtte- og hesjeteknikken.
Leikar
Det blir hesteskokasting, du kan gå på stylter og teste styrken med å holde "melkespann" (bøtter) - diplom til alle born. Nede i Naustvika er det fint å bade og sjå etter skjel og småkrabbar. Krabbesnører får du kjøpt i resepsjonen. Gode fiskeplassar er der óg.
Program
12:30- 14:30: Slått og hesjing i slåtteng utenfor infobygget
14:30 -16:30: Leik og moro (hesteskokasting, melkespann, stylter etc) eller tur til fjæra.
Aktivitetane er gratis.
Servering i Matstova
I cafèen vår vert det mogeleg å kjøpa seg suppe, middag og vaffler basert på lokal råvarer. Varm mat er tilgjengeleg mellom 12.30- 16.30.
Film og utstilling
Filmen om korleis Mandus og Klara levde i tråd med lyngheitradisjonane heilt fram til 1970- talet varer 21 minutt og vi set den på etter ønskje.
Utstillinga Det stig av hav er open heile opningstida. Sett av minimum 10 minutt til utstillinga, men her kan du gjerne bruke meir tid.
Prisar film og utstilling: Vaksne kr 110/ student kr 80 og born t.o.m 16 år er gratis
Om utstillinga Det stig av hav
Sirkulære Nordhordaland om korleis regionen Nordhordland når FN`s bærekraftsmål er gratis.
Opningstider:
Museet og Matstova er open kl .12.00 - 17.00
I butikken kan du kjøpe is og brus, villsaugarn, honning, bøker, leikar og mykje anna.