- 1/1
Julestemning, julehandel og god mat
Vi har pynta til jul og håper å setje deg i god julestemning. Ta deg ein kopp med gløgg og sjå på dei fine tinga vi har i museumsbutikken vår. Kanskje finn du nokre julegåver her. Kva med spiselege gåver som heimelaga lefser, syltetøy og vår eigen lynghonning? I Matstova serverer vi pinnekjøt av villsau, ei varmande suppe og litt søte saker - blandt anna lefsene som vi bakar i november.
Program
Juleverkstad, Julemarknad, Nisseløype, Gardsbesøk og Julemat!
Kl 12 – 15 Juleverkstad: Pepperkakebaking, nålefilting, lage julekort / snømann / pyntegrønt (kr 50,- for å delta på juleverkstaden)
Kl 12 – 15.30 Julemarknad (Info om kven som blir med kjem etterkvart...)
Kl 13 – 14 Besøk nissen og sauene på Magnusgarden
Kl 12 – 15.30 Julemat i Matstova. Vi serverer årets pinnekjøtt av villsau, Villsausuppe, risgraut, riskrem, våre heimelaga lefser mm.
Frisk luft og ope landskap
Ein tur i det opne kystlyngheilandskapet vårt kan anbefalast, anten for å jobbe opp ein god appetitt før maten eller som ein frisk avslutning etter eit godt måltid. Tek du med deg turfaldaren vår så kan du i tillegg lære meir om det du ser undervegs og historiene som ligg bak. Turfaldaren kjøper du i resepsjonen/ museumsbutikken eller i sjølvbeteninga i steinhuset ved parkeringsplassen.