Sjølvberging og mangesysleri

I dag kan vi gå på butikken og kjøpe eit breidt utval av matvarer, og på interenett kan vi bestille ting frå heile verda - ofte til ein billig pris - og få det levert på berre nokre få dagar. Med på kjøpet kjem ofte store belastningar på natur, miljø og klima i ein anna del av verda. Heilt fram til 1950-talet var bøndene i regionen vår i stor grad sjølvberga, og både mat og materiale var i stor grad kortreist.

Meny frå Lygra om lag 1930

Frukost
Potetkake med sirup eller havregraut.

Middag
Potet og grønsaker (gulrot, nepe og kålrabi - og somme tider lauk).
Fisk på kvardagar (sild, fersk makrell, nykokt pale (småsei), hysekaker, klippfisk, torsk, lyr, brisling, brosme eller steinbit).
Kjøt på søndagar (kjøtgryte, sosekjøt eller kjøtkaker).

Dessert
Havresuppe med saft, semulegrynsgraut, surmjølksuppe eller saftsuppe med sagogryn.
På søndagar: sviskegraut med mjølk.

Nons
Potetkake med sirup og ost eller lappar med syltetøy.

Kveldsmat
Havregraut med surmjølk eller restar frå middagen. Brød til helg og helligdagar.