Skogbruk

Etter at førre istid var over for nesten 12 000 år sidan kom trea gradvis tilbake til Noreg og Nordhordland. Først ut var bjørk, hassel og furu, og seinare meir varmekjære artar som eik, alm, lind og or. Grana er eit av dei siste norske trea som naturleg har nådd vestlandet, og då berre i indre fjordstrøk. Hos oss kom grana til Modalen for kring 400 år sidan, men sidan har vi planta ho ut mange stadar. Mange av granskogane du ser i regionen vår i dag vart planta på 1970-talet.

Eigenskapar til nokre av trea i regionen vår

Trea har alltid vore ein viktig ressurs for menneska i Nordhordland. Dei ulike treslaga har ulike eigenskapar.

Eigenskapar til nokre av trea i regionen vår Trea har alltid vore ein viktig ressurs for menneska i Nordhordland. Dei ulike treslaga har ulike eigenskapar.
Art	Blad	Alder	Høgde	Historisk bruk
Bjørk	Lauv	100 år	15 m	Brensel, taktekking, isolasjon
Hassel	Lauv	70 år	5 m	Fletting, dyrefor, nøtter
Furu	Nåler	400 år	40 m	Byggemateriale, møbler
Eik	Lauv	500 år	25 m	Byggemateriale, båtar
Alm	Lauv	400 år	40 m	Byggemateriale, båtar
Lind	Lauv	300 år	25 m	Tau, redskaper, hjul
Or	Lauv	40 år	10 m	Brensel, for
Bøk	Lauv	400 år	30 m	Grisefor, detaljar på skip
Gran	Nåler	200 år	40 m	Bygningsmateriale, brensel

Skog og naturmangfald

Skogen er ikkje berre nyttig for oss menneske. Mange artar har levestaden sin i skogen, og skogbruk og skogplanting påverkar kva artar som finn ein heim i skogen.