Mayday! Mayday!

Eit kunstprosjekt av Anne Mette Prestegård - Galleri Fisk om plastforureining i havet.

Utstilling er open frå  15. juni  til 31.august 2025.
Onsdag, Torsdag og Fredag 11 - 15.30   Sundag 12 – 17.

Utstillinga ”Mayday! Mayday!” er ein serie med bilete der Prestegård har leika seg  med foto av gjenstandar funne på strandrydding i kombinasjon med foto av fisk og anna som lever i sjøen.

Plastgjenstandane er ein del av utstillinga og inngår i Galleri Fisk si samling.

Galleri Fisk er eit nyetablert kunst- og designkonsept, her brukar Prestegård kunnskapen og erfaringa si frå museums- og utstillingsproduksjonar til eigne kunstinstallasjonar og utstillingar.

Alle prosjekta har fokus på naturvern og då spesielt på forsøpling av hav og vatn. Strandrydding inngår som ein del av konseptet.

Utstillinga er gratis. Den står i matstova.
Prosjektet er støtta av Alver kommune