Sauesanking i Lurekalven

Lygra Villsaulag skal samle sauene som går i Lurekalven, øya rett like over sundet ved Lyngheisenteret, og du kan vera med.  

Dette vert ein perfekt søndagstur for deg som likar litt utfordringar.
Oppskrift for dagen :
1. Stå opp tidleg, finn fram passande turkle, gode sko, og ta med drikke og energi i lommer eller liten sekk.
2. Møt opp på snuplassen ved Lygra Gjestegard kl 9.00.
Der finn du fleire ferske & erfarne sauesankarar.
3. Båttur til Lurekalven!
4. Erfarne sankarar stiller med walkie-talkie, og alle går manngard frå nord, til sankebingen i sør.
Både sauer og sankarar vil bestemme, og ant. timar varierer iht. vêr & humør. Oftast 3-4 timar.
5. Me jublar og får servert suppe, saft & litt søtt til kaffen!
6. Avlsarbeid i sankebingen. Dvs. alle dyra skal vurderast & sorterast. Fine avlsdyr, vakre skinn, god mat .osv.
7. Slaktedyra skal fraktast med båt til Meierikaien og vidare i sauehengar til flor´n på bruk nr 5.

NB! Det vert båtskyss til og frå Lygra mellom punkt 5 og 6.
Dermed har du mulighet til å vera med på delar av dagen.

Sjåast på Lygra!