Tradisjonsverkstad: Fantasivev

Med utgangspunktet i den tradisjonelle fillerya, der ein vov med remser av stoffrestar og ryer med floss, slepp vi fantasien laus og inviterer til fantasiveving på museet med restar og gjenbruk. Alt kan bli ein vev og alt kan vevast med, det blir masse inspirasjon.

Vi har vev, utstyr og materialar, men ta gjerne med eigen liten vev, skoeske, stoff og garnrester om du har.

Flossrya har vore i bruk i hele Norden, og har mange namn og bruksområde. Napparye, sengerye, båtrye, lofotrye, grårye, slitrye og prydrye. Eit flosstekstil har to ulike sider, den eine sida er vevnaden, er strukturen i bindinga synlig, men på den andre sida er det vove inn flosstustar av ullfiber, stoffrestar eller tråd.

Den mest dokumenterte, og bevarte flossrya i Noreg er båtryen, desse var i bruk på lofotfiske og på båtturar langs kysten i store delar av landet. Det var også vanleg med ryer i innlandet, der den vart brukt som sengeklede om natta.  Flossrya var ein brukstekstil til å breie over seg, og for å halde varmen.

Tradisjonsverkstad arrangerast fleire gongar i året på Osterøy Museum. På verkstaden blir det låge skuldre, hygge og moglegheit til å treffe nye folk. Tradisjonsverkstad krev ingen forkunnskapar, begynner med ein intro og det blir vegleiing undervegs. 

Verkstaden passer for alle og er gratis for ungdommer under 18 år. 

• Kjøp billett her