I den eldste arbeidarbustaden i Salhus kan du få eit innblikk i nettopp dette i form av leilegheiter frå ulike tidsperiodar. I dag kan du besøke leilegheita til Klara Delph frå 1960-talet, og fleire kjem til etter kvart.
- 1/3
Den aller første arbeidarbustaden i Salhus. Trond Isaksen - 2/3
Ta turen innom syerske Klara Delph si leilegheit frå 1960-talet. Trond Isaksen /Riksantikvaren - 3/3
Salhus er ein tettbygd stad, der mange av husa er bygde med støtte frå tekstilfabrikkane. Helge Sunde
Besøk Klara Delph
I første etasje i arbeidarbustaden kan du besøke leilegheita til Klara Delph frå 1960-talet.
Klara Delph var født i Lofoten i 1911 som nummer 6 i søskenflokken. Ho byrja å jobbe på Salhus Trikotasjefabrik i 1955, rett etter krigen. Klara kom aleine til Salhus med dattera.
Ho var utdanna skreddar og fekk jobb som prøvesyar og opplæringssyar. Innimellom syr ho og privat for disponent Clausen, ho reparerer mellom anna kleda hans.
Klara bur i leilegheit saman med si dotter som heiter Guri Marie. I 1963 gifter Guri Mari seg og flytter ut. Etter dette bur Klara aleine.
Klara er medlem i Salhus turn og idrettslag, og får mange av sine næraste venner der. Seinare i livet engasjerte ho seg i aktivitetslag i Saniteten.
Gjennom oppveksten i Lofoten lærte ho å ta vare på alt som naturen gjev av bær og frukt. Denne kunnskapen har ho tatt med til Salhus. Skapet er stadig fullt av diverse godsaker som hermetiserte plomme, saft og syltetøy. Ho er glad i gå turar i fjellet, og i ledige stunder tar ho gjerne turen opp på fjellet for å sjå etter bær om sommaren og om hausten.
Klara var og veldig interessert i klassisk musikk og var ofte på Harmonien og andre konsertar. Ho var og på opninga festspelene kvart år.