Julebutikk og utstilling

Vi ønskjer velkomen til ei stemningsfull opning av årets julebutikk -  full av unike, handlaga og lokalproduserte gåver. Kombiner gjerne besøket med lunsj i Krone Kafé. Det er gratis å besøke museusbutikken og kaféen. 

I år får du varer frå Ellen Hansen, som lagar nåleputer med omtanke, fargeglede og gjenbruk i sentrum. Vi tilbyr òg vakre og haldbare strikkekurver frå Pearl Hamre, handlaga av kvinnekooperativet Oyémam i Ghana, og unike produkt frå Abrado Wood, laga av funne og gjenbrukte materialar.

I museumsbutikken finn du våre eigne produkt frå Salhus Tricotagefabrik. Her finn du varme ullsokkar, salhusgenserar, T-skjorter og strikkepakkar – alt strikka på museet og sydd lokalt under namnet Industrikk. Tradisjon, kvalitet og kortreist produksjon er med i kvar einaste vare.

Vi har òg eit utval lokalprodusert kunsthandverk, tekstilar og små gåver med særpreg, i tillegg til bøker og kjekke leiker til barn.

Velkomen inn – for gåver som varmar både kropp og hjarte.