Velkommen til Nabodag

Gjennom dagen kan du oppleve fabrikkhistoria, utforske kunstutstillingar og bli kjend med det historiske kulturmiljøet rundt museet. Kaféen er open, og alle aktivitetar er gratis. 

Program:

• Omvising i fabrikken kl. 13.00 og 15.00
Bli med inn i den historiske tekstilfabrikken og opplev maskinane i drift. Høyr forteljingane om arbeidet, menneska og industristaden Salhus.

• Kunstnaromvising i Galleri Salhus kl. 14.00
Bli med på omvising i Avtrykk med kunstnar Inger-Johanne Brautaset. Sjå utstillinga til Inger Johanne Brautaset, som arbeider med tekstil, materiale og forteljingar knytte til stad og identitet.

• Barnas fabrikk!

Ta med barna på oppdagingsferd i fabrikken! Leit etter sauen Bæændik og prøv vår fabrikkbingo.

• Kulturmiljøet i Salhus
Utforsk miljøet rundt fabrikken, og bli betre kjend med kvardagslivet i det historiske fabrikkmiljøet.

• Kreativitetsbord kl. 12.00–17.00
Prøv enkle og kjekke aktivitetar inspirerte av tekstilar, mønster og fargar. Passar for både barn og vaksne.

• Søndagsmiddag i Krone kafé kl. 12.00–17.00

Denne dagen serverer kaféen rustikk oksegryte med tilbehør.

Ta med familie, venner eller kom aleine. Vi håpar du vil vere med på ein triveleg dag saman med oss i Salhus!