Opplev tidlegare Salhus Tricotagefabrik (1859–1989), lær meir om klesproduksjonen i fabrikken. Kjenn karda ull mellom fingrane, høyr maskinstøyen, kjenn luktene i dei gamle lokala.
Bli med på ei omvising i produksjonslina på fabrikken - frå ull til ferdige plagg. Omvisinga byrjar i karderi/spinneri, vidare til spoleloft, strikkeloft og syloft. Omvisar vil demonstrere fleire av produksjonsmaskinene undervegs i omvisinga.
Praktisk informasjon
Omvisinga tek omlag 40 min og går normalt kvar søndag utanom påske og heilagdagar frå 1. mars.
Billett til omvisinga inkluderer inngang til Galleri Salhus, og du kan sjå filmen "Det var ein gong ein fabrikk...".
