Unik omvising i fabrikken og middag med lokale råvarer

Eit besøk i fabrikken tek deg med inn i den eldste delen av fabrikkanlegget, og følger produksjonslinja frå karding, spinning og spoling til strikka metervare og ferdigsydde plagg. Bli med på omvising og kjenn karda ull mellom fingrane, høyr maskinstøyen og sjå gamle maskiner som framleis tvinner og spoler garn. Utforsk fabrikkstaden Salhus, sjå samtidskunst i Galleri Salhus og nyt utsikt mot fjorden. Museumsbutikken tilbyr eit rikt utval av lokale produkt og er vel verdt eit besøk.

Etter omvising blir det middag i vakre lokaler i den gamle direktørbustaden rett bak museet. Middagen er laga av gode lokale råvarer.