Kjellaren i Emigrantkyrkja har vore brukt til ulike formål opp igjennom åra, men våren 2020 blei den ominnreia og tatt i bruk som museumskafè. Pandemien kom i vegen for å ta kafeen «skikkeleg» i bruk, men no ynskjer me å komme i gang og invitere folk til å nytta dette koselege lokalet.
Me ynskjer å tilby ein møteplass for folk i Sletta-bygda (og alle andre som måtte ynskje å ta turen), og opnar kafeen vår Emigranten i kyrkjekjellaren kva torsdag mellom 11-14. Kom innom og treff på naboar og kjensfolk. Det blir høve til å kjøpe seg ein kopp kaffi og noko å bita i.
Første opningsdag blir 26.januar. Då spanderer me kake og kaffi på alle som kjem innom!
Velkommen!