Trioen tek oss med i ei tidsmaskin
Trioen Tine Taule, Kai Taule og Christian Øvreaas tek med seg instrument og songstemme, og ikkje minst eit knippe musikk av god årgang. Dei spelar blues, jazz, pop og country frå 1950- og 60-talet og fram til i dag. Dei er no på turne med sin tidsmaskin og har hausta særs gode omtaler etter besøk omkring i Bergensregionen.
Vi har som vanleg kafe og torsdagsmøteplass i kafe Emigranten, men inviterer til å trekke opp i Emigrantkyrkja for konsert kl 12.
Det er open kafe før og etter konserten og du kan kjøpe kaker, kaffi, og suppelunsj. Om de ønskjer å prate for å dele den gode opplevinga etter konserten, som truleg har vekt gode minner, har vi ope kafeen til kl 14, litt lenger enn vanleg.
Konserten er gratis!
Om Den kulturelle spaserstokken
Den kulturelle spaserstokken er ei nasjonal satsing som skal syta for kunst- og kulturformidling av høg kvalitet for eldre på arenaer dei held til i dagleglivet. Midlane til den kulturelle spaserstokken er løyvd som tilskot frå Vestland fylkeskommune. Alver kommune, ved kulturtenesta er ansvarleg for programmering og organisering av tilbodet i kommunen.