Utstillinga tematiserer FN sine berekraftsmål i ein regional kontekst. Innhaldet i utstillinga er basert på forsking, talmateriale, problemstillingar og narrativ med forankring i Nordhordland UNESCO Biosfæreområde. Utstillinga famnar breidt, men går særleg i djupna på fem tema: fotosytense, livet på land, livet i havet, energi og industri.
Turné
Gjennom skuleåret 2024/2025 skal utstillinga besøke alle dei åtte kommunane i Nordhordland UNESCO Biosfæreområde: Alver, Austrheim, Gulen, Fedje, Masfjorden, Modalen, Osterøy og Vaksdal. Avdukinga av utstillinga skjer allereie på Biosfæredagen i Knarvik 30. mai 2024.
Kven er utstillinga for?
Utstillinga er for alle, men særleg for deg som er innbyggjar i Nordhordland UNESCO Biosfæreområde. Om du er gamal eller ung spelar inga rolle, her er det noko for alle. Som lærar eller skuleelev kan du nytte undervisningsmateriell som føl utstillinga til å arbeide djupare med utvalde tema, med forankring til skulen sitt nærområde.
Ombruk
Når du vitjar utstillinga vil du raskt finne gjenstandar og materiale som har levd eit langt liv. For å redusere ressursavtrykket til utstillinga har vi nytta ombruk i stor grad. Her er det gamle kister og ein amerikakoffert, MDF-plater frå verdsutstillinga i Hannover i år 2000 og hjul frå kasserte kontorstolar. Der vi har måtte ta i bruk nytt materiale har vi valgt materiale med minst mogeleg belastning på klima og miljø, og vi har utfordra samarbeidspartnarar på å nytte kapp og restar.
Samarbeid
Utstillinga er eigd av Museumssenteret i Hordaland, avdeling Lyngheisenteret, og utvikla i tett samarbeid med Nordhordland UNESCO Biosfære. I tillegg har vi mange lokale samarbeidspartnarar:
- Prestegård design – utstillingsdesignar
- Vassbrekko AS – bygging og av tårn og lettveggar, tilpassing av kister og amerikakoffert
- Reklamehuset AS – trykk på lettveggar og plater
- Region Nordhordland v/Kjersti Isdal – illustrasjonar
- Biblioteka i Nordhordland – utstillingslokale og –vertar under turné
- Forskingsinstitusjonar
- Regionalt næringsliv