Om oss

Kulturverntenesta i Nordhordland gir råd og rettleiing om å ta vare på kulturminna kring oss og formidle kunnskapen om dei vidare til andre.

Tenesta vart oppretta i 2006, då kommunane Austrheim, Fedje, Lindås, Masfjorden, Meland, Modalen og Radøy i samarbeid med Museumssenteret i Hordaland og Hordaland fylkeskommune gjekk saman om ei museumsteneste. Samtidig oppretta Hordaland fylkeskommune ei regional stilling som bygningsvernkonsulent i MUHO.

I dag kan private og kommunal forvaltning i kommunane Alver, Austrheim, Fedje, Masfjorden og Modalen, fritt nytte rådgjevingstenester innan:

• bygningsvern og restaurering
• dokumentasjon, forvalting eller formidling av kulturhistorie, kulturminne, eller samlingar
• hjelp til prosjektsøknadar innan desse felta

Kulturverntenesta tilbyr også, i samarbeid med KulturIT, avtale om og tilgang til katalogiseringsprogrammet Primus, og rettleiing kring registrering av samlingar.