HAGEROM - Ingrid Aarset

Livia var gift med keisar Augustus og hadde eit underjordisk rom med fresker på alle veggane av tre og plantar, og som samla skapte ein illusjon av å vere inne i ein hage. Aarset utvikla tekstilar relatert til dette rommet, som danna den visuelle ramma rundt scenekunstprosjektet.

Aarset kombinerer tradisjonelt handverk med nyare teknologi: teiknar for hand, bearbeidar motiva digitalt, fargar, maler og laminerer stoffa for hand, for så å laserskjere i materialet. Felles tema for prosjekta hennar er organiske mønster og ornamentikk med fokus på tekstur og taktilitet. Bak alle arbeida ligg det ei undersøking av linje og form, overflate, lys og skugge.

Ingrid Aarset bur og arbeider på Askøy utanfor Bergen og i atelieret sitt på USF. Ho har hatt ei rekkje utsmykkingar i offentlege bygg, og er kjøpt inn av blant andre Nasjonalmuseet og det norske Utenriksdepartementet. Ho arbeider også som førsteamanuensis på Institutt for samtidskunst ved KMD/UiB.