Hopp til hovedinnhold

Førjulssøndag

Velkomen til vår tradisjonelle førjulssøndag, 26.november,
med julemarknad, og juleverkstad for barn og ungdomar.

  • 1/1

Julestemning, julehandel og god mat

Vi har pynta til jul og håper å setje deg i god julestemning. Ta deg ein kopp med gløgg og sjå på dei fine tinga vi har i museumsbutikken vår. Kanskje finn du nokre julegåver her. Kva med spiselege gåver som heimelaga lefser, syltetøy og vår eigen lynghonning? I Matstova serverer vi pinnekjøtt av villsau, ei varmande suppe og litt søte saker - blandt anna lefsene som vi bakar i november.

Program

Juleverkstad, Julemarknad, Nisseløype, Gardsbesøk og Julemat!

Kl 12 – 15 Juleverkstad: Pepperkakebaking, nålefilting, lage julekort / snømann / pyntegrønt (kr 50,-  for å delta på juleverkstaden)

Kl 12 – 16  Julemarknad 

Kl 13 – 14  Besøk nissen og  sauene på Magnusgarden

Kl 12 – 15.30  Julemat  i Matstova. Vi serverer årets pinnekjøtt av villsau, Villsausuppe, risgraut, riskrem mm.

Desse finn du på marknaden:

  • ABRADO. Anette​ Bergo tryller fram dei finaste ting av treverk som ho får i hendene. Meir info her. Du finn ho også på Instagram og Facebook.
  • SKØSSN GARD. På garden på Skotsund har Karin og Svein ein flokk med Kashmirgeiter. Geitene har hjelp til å rydda grunnen, der dei no har planta 1400 epletre. Her lagar dei bl.a. frisk og økologisk eplemost og geitene gjev kjøt, skinn og garn. Meir info her - og på Instagram og Facebook.
  • ALVERHONNING. Julie og Frode held til på Flatøy og har herleg honning frå vår eigen region. Dei held også på med avleggar,- og dronningproduksjon, både til eige bruk og til sals. Meir info her og på Facebook.
  • Og kanskje nokon fleire....

Frisk luft og ope landskap

Ein tur i det opne kystlyngheilandskapet vårt kan anbefalast, anten for å jobbe opp ein god appetitt før maten eller som ein frisk avslutning etter eit godt måltid. Tek du med deg turfaldaren vår så kan du i tillegg lære meir om det du ser undervegs og historiene som ligg bak. Turfaldaren kjøper du i resepsjonen/ museumsbutikken eller i sjølvbeteninga i steinhuset ved parkeringsplassen. 

Hjarteleg velkomen!

Museum24:Portal - 2024.03.19
Grunnstilsett-versjon: 1